--------------------------------------------------------------------------------
حبيبي لاتخليني مثل قــــصة بـــلا عنـــــوان
يجون الناس يقروها ولا يــدرون وش فيــها
وقلبي منك ياخلي كما صخرٍ وســــط بركــان
تدمر روحي بيدينك وخيانتــك لي تـهــديــهــا
احن ليوم لقيانا واعزف لـلــحــــزن الحــــان
طلعت فنان لاحــزاني بموهبتــك تغنـــيــهـــا
جهلت الغدر بعيونك وظنيت لي بها اوطــان
ونفسي منك محروقة وعادي لو بـتـكـويــها
كفايه كل ماتبعد احس بداخلي اشـــجـــــان
تحملت الهموم لاجلك ويدي بيدك تلويهــــا
حسافه وآه ياعمري دمع العين صار هتــان
تدور لي على سهمٍ يغز الروح ويــدميـهــا
اثرك تعصر الحنظل وتملى الكاس بالاحزان
مرارة باقيه بحلقي واقول الله يــحـــلــيـــهــا
وهذي قصتي بيدك وحط من عندكـ العنوان
ابيك أنت الّـي تقراها وتعرف وش مراميها
الأحد يوليو 27, 2008 10:37 am